ივერიის ყოვლადწმინდა ღვთისმშობლის ხატის დღესასაწაული
2011-02-26, 2:08 AM
ივერიის ყოვლადწმინდა ღვთისმშობლის ხატის დღესასაწაული
სრულიად საქართველოს კათოლიკოს- პატრიარქმა მცხეთა-თბილისის მთავაეპისკოპოსმა და ცხუმ-აფხაზეთის მიტროპოლიტმა უწმინდესმა და უნეტარესმა ილია მეორემ ივერიის ყოვლადწმინდა ღვთისმშობლის ხატის დღესასაწაულთან დაკავშირებით ღვთისმსახურება მახათას მთაზე მდებარე წმინდა იოანე, ექვთიმე და გიორგი მთაწმინდელების სახელობის ტაძარში აღავლინა. თანამსახურებდნენ საჩხერისა და ჭიათურის მიტროპოლიტი დანიელი, ახალქალაქის, კუმურდოსა და სახრეთ ამერიკის მიტროპოლიტი ნიკოლოზი და სხვა სასულიერო პირები. უწმინდესმა და უნეტარესმა შეკრებილ მრევლს დღევანდელი დღე მიულოცა და საკვირველმოქმედი ხატის ისტორია უამბო.
კათოლიკოს –პატრიარქმა ყველა ის სასულიერო და საერო პირი დალოცა, რომელმაც ტაძრის აგებაში მიიღო მონაწილეობა. როგორც უწმინდესმა იქადაგა, ამ წმინდა სავანის მშენებლობაში თითოეულმა ქართველმა თავისი წვლილი უნდა შეიტანოს. საქართველოს სულიერმა წინამძღოლმა წმინდა იოანე, ექვთიმე და გიორგი მთაწმინდელების სახელობის ტაძრის კტიტორს, მსოფლიო ბანს პაატა ბურჭულაძეს ყოვლადწმინდა ღვთისმშობლის ხატი გადასცა. პაატა ბურჭულაძე უწმინდესისა და უნეტარესის ლოცვა – კურთხევით ხელმძღვანელობს საქველმოქმედო ფონდ "ივერიისას”, რომელიც ივერიის ყოვლადწმინდა ღვთისმშობლის ხატის სახელობის სამონასტრო კომპლექსის მშენებლობას ხელმძღვანელობს. კათოლიკოს-პატრიარქმა არქინამდრიტის ხარისხში აიყვანა იღუმენები - ექვთიმე ციხისელი, ეგნატე ჩუხუა და ზოსიმე სისვაძე.
მახათას მთაზე მშენებარე სამონასტრო კომპლექსის ტერიტორიაზე უწმინდესისა და უნეტარესის ლოცვა-კურთხევით განთავსდება საგანმანათლებლო ცენტრი, ახალგაზრდა თაობის საკვირაო სკოლა და მუზეუმი და პილიგრიმთა სასტუმრო . ასევე დაარსდება მზრუნველობამოკლებულ ბავშვთა სახლი და ნარკოლოგიური ცენტრი