კახეთში, სოფელ ველისციხის ყველაწმინდის ეკლესიაში საიდუმლო გვირაბს მიაგნეს. გვირაბი მიწით არის ამოვსებული. ადგილობრივები ამბობენ, რომ ეკლესიიდან გვირაბი სამი მიმართულებით გადიოდა, რომელთაგან ერთ-ერთი, სავარაუდოდ, ჭერმის საეპისკოპოსოს 12 კილომეტრის მანძილზე უკავშირდებოდა. მას მტრის შემოსევის დროს თავდაცვისა და წყლით მომარაგების ფუნქცია ჰქონდა. ველისციხელები სპეციალისტების ჩასვლას და ამ ადგილის შესწავლას ითხოვენ. ყველაწმინდა მე-6 საუკუნის სამნავიანი ბაზილიკაა. შუა საუკუნეებში, ეკლესიის გადაკეთებისას ტაძრის პირვანდელი სახის შენარჩუნება ვერ მოხერხდა. ეკლესიის ორი კედელი დანგრეულია. ბოლოს ისტორიულ ძეგლს რესტავრაცია 80-იან წლებში ჩაუტარდა
|